حسن شاكوش يوجه رسالة للغائبين عن زفافه: اللي مجاش محطوط في القايمة السوداء
حسن شاكوش يوجه رسالة للغائبين عن زفافه: اللي مجاش محطوط في القايمة السوداء
فن بوست – فريق التحرير
وجه مغني المهرجانات حسن شاكوش رسالة إلى كل من لم يحضر حفل زفافه الذي أقيم قبل فترة بسيطة.
وظهر شاكوش في فيديو عبر حساباته في مواقع التواصل الاجتماعي تحدث فيه إلى جمهوره ووجه بعض الرسائل وقال لكل من لم يحضر حفل زفافه: اللي مجاش محطوط في القايمة السوداء وهو عارف نفسه والدنيا دواره”.
وأردف: “أنا بعذر كل الناس اللي عنده ظروف أو تصوير، لكن اللي مجاش وهو كان قاعد فاضي مش هنروح من بعض بعيد، في ناس عزمتها على الفرح مذيعين ومجوش ولما الفرح عمل تريند يكلم إدارة أعمالي عشان أطلع معاه حلقة، أنت عبيط؟”.
حسن شاكوش يشكر مدعويه
قال حسن شاكوش في رسالته موجها رسالة شكر للنجوم الذين حضروا حفل زفافه قائلا: أنا طالع النهاردة عشان أشكر كل النجوم اللي جاتلي الفرح أشكر كل نجم شرفني في فرحي وأولهم النجم تامر حسني”.
وأكمل “شاكوش”: “على المستوى الشخصي أنا وتامر إخوات وأنا من معجبينه، وبشكر النجم الكبير حمو بيكا والنجم الكبير عمر كمال والنجم الكبير أحمد باتشان والنجم الكبير عم أحمد شيبة ومحمود الليثي والنجم رامي صبري شرف ليا وجودة والنجمة وفاء عامر وهنادي مهنا وراندا البحيري وماجد المصري”.
وفسر “شاكوش” سبب ظهوره في بعض الفيديوهات في حفل زفافه وهو غاضب قائلا: لو حد شافني متعصب كنت خايف الفرح يبوظ الفرح كان متعب جدا وفيه نجوم كتير كنت خايف أي حاجة تحصل، كنت باقول يارب الفرح يخلص بسرعة.
حفل زفاف كبير
يذكر أن حسن شاكوش احتفل بزفافه الجمعة 10 مارس، وأثار ظهور زوجته وهي تسجد فرحا بعد زواجها في قاعة الاحتفال جدلا كبيرا.
وكانت زوجة حسن شاكوش كشفت في أول تعليق لها على الجدل الذي أثاره سجودها في حفل الزفاف عن أن سجودها لم يكن تصرفا وليد اللحظة، رافضة اتهامها بالبحث عن التريند.
وقالت ريم طارق في تصريحات لبرنامج ET بالعربي: “دي حاجة بعيدة عن السوشيال ميديا، ومفيش حد يقدر يضحك على ربنا”، وهو ما علق عليه حسن شاكوش بقوله: “مش بتسيب فرض”.