لقاء الخميسي بعد انتقاد تصريحاتها الأخيرة: ياريت نتعلن نحترم اختلاف ثقافتنا وتربيتنا

لقاء الخميسي بعد انتقاد تصريحاتها الأخيرة: ياريت نتعلن نحترم اختلاف ثقافتنا وتربيتنا

فن بوست – فريق التحرير

وجهت الفنانة لقاء الخميسي رسالة لجمهورها ومتابعيها طالبتهم فيها باحترام آرائها، كما وجهت رسالة للصحافة التي تأخذ تصريحات عنها ويتم اقتطاعها من سياقها.

وظهرت “الخميسي” في فيديو عبر خاصية القصص القصيرة في حسابها الرسمي على موقع التواصل الاجتماعي “إنستجرام ووجهت رسالتها.

وقالت: رسالة للصحفيين اللي بيحبوا يكتبوا الأخبار عشان التريند وناس تدخل يا تكتب الخبر كامل وصح كما قيل يا متكتبوش وتحترم نفسك.

انتقادات لاذعة

خاطبت الفنانة لقاء الخميسي  منتقديها وقالت: “رجاء من كل الناس اللي بتابع السوشيال ميديا اللي بيحب حد يدخل عنده ويقول كلمتين حلوين أو ليصمت ممكن نختلف في الآراء لكن نتعلم إزاي نحترم الاختلاف نبطل نهين بعض ونبطل نرفض أفكار بعض”.

وأردفت: “كل واحد زي ما إتربى واتثقف كل واحد ليه تفاصيله ومعتقداته ممكن اختلف باحترام، ولا يصح أن أهاجم حضرتك حاجة بقت تزهق بصراحة”.

وأكملت: “يا جماعة الممثل بني آدم عنده نفس التفاصيل اللي بتمر بيها عنده مشاكل إحنا بنظهر بس الجانب المشرق إحنا موجودين عشان نفرحكم ونقدملكم حاجة تغير مودكم إحنا بنيجي على نفسنا عشان نبسطكم حبونا شوية وشوفونا بني آدمين عندنا مشاكل مفيش حد في العالم معندوش مشاكل الرحمة حلوة”.

سبب انتقاد لقاء الخميسي

وكانت لقاء الخميسي قالت في لقاء إن أصدقائها من الرجال أكثر من النساء وأن زوجها اللاعب محمد عبد المنصف لا يمانع في ذلك.

وخلال لقائها في برنامج Girls Space، قالت “لقاء”: “عندي صحابي الرجالة كتير أوي يعني صحابي الرجالة أكتر من الستات ومحمد جوزي متقبل لأن في منهم ناس أعرفهم من قبله وهما اتنين قريبين ليا جدا”.

وأضافت “الخميسي “: “في ناس قريبين ليا في الوسط الفني ومحمد عارف، وطالما العلاقة في إطارها المتعارف عليه يبقى خلاص”.

يذكر أن لقاء الخميسي شاركت مؤخرا في مسلسل “إجازة مفتوحة” من تأليف أحمد محمود أبو زيد وإخراج محمد عبد الرحمن حماقي، بطولة شريف منير، سميحة أيوب، هشام إسماعيل، مراد مكرم، سامي مغاوري، دنيا ماهر، ملك قورة، كريم أبو زيد، نور محمود ومؤمن نور.