عمرو مصطفى: أنا الملحن الوحيد الذي يلح علي أي فنان للعمل معه

عمرو مصطفى: أنا الملحن الوحيد الذي يلح علي أي فنان للعمل معه

فن بوست – فريق التحرير

تحدث الفنان عمرو مصطفى عن علاقته بالنجوم الذين يعمل معهم مؤكدا أنه الملحن الوحيد الذي يلح أي فنان كثيرا حتى يعمل معه.

وقال “مصطفى” في لقاء عبر قناة “القاهرة والناس”: “أنا الملحن الوحيد اللي لازم المطرب يتحايل عليا علشان اشتغل معاه، ويتحايل كتير أوي ويقعد مثلا 4 أو 5 شهور علشان ياخد أغنية، أنا مش زعلان أن حد ألحن له أو لا لأن مفيش حد مهم”.

وتابع: المهم هو الناس اللي بتحبك اللي هو الجمهور، لكن الشخص اللي بعمله أغنية مقابل مادة مش مهم ومش عاوز أشوفك خلاص، في بعض الناس بتقولي أني خسرت شخص أحب أفهمهم أنا اللي بتنازل عن الناس أنا اللي بعمل بلوك.

أعماله الجديدة

تحدث عمرو مصطفى عن أحلامه في العام الجديد قال: أولادي يتخرجوا من الجامعة، والجمهور يحب الأغاني اللي بقدمها وتوصلهم وتقدم رسايل وتعالج البشر.

وعن أغنيته الجديدة “يا دايرة” قال: دي كانت مشاعري من سنتين، أنا سعيد بنجاح الأغنية وأحمد علي موسى أبدع فيها أنا سعيد بنجاجها اللي حصل في أقل من ساعات.

أزمة عمرو مصطفى مع رامي صبري

على جانب آخر، كان “عمرو” وجه رسالة إلى الصحافة، حسم فيها موقفه من اتهامه للفنان رامي صبري باقتباس لحن أغنيته الأخيرة “حصل خير” من لحن أغنية “رقصة” التي طرحها قبل 5 أشهر.

وكتب “مصطفى” عبر صفحته على موقع التواصل الاجتماعي “فيسبوك” موضحا أنه يرفض استخدام مصطلح “سرقة” معتبرا أن الأمر مجرد توارد أفكار، وأنه تحدث عن الأغنية بدافع المزاح مع رامي صبري باعتباره صديق يعتز به.

وأوضح: “أعزائي الصحفيين، رامي صبري أول واحد باركلي هنا علي الصفحة علي الألبوم الجديد، يمكن هو الفنان الوحيد، بحبه جدا كفنان وإنسان وبحب جدا استفزه، لأنه صديق جدع وعامل ألبوم جامد كمان”.

وتابع عمرو مصطفى: “بس هو تأثر بأغنية (رقصه)، وعادي حبيت بس أقولها بهزار، بس عيب الصحافة تكتب سرق، في الأول والأخر ده زميل وصديق وعشرة عمر، وعادي تتوارد الأفكار”.

واختتم مازحا: “بتحصل بس دي أخر مرة يا رامي، حبيبي والله”.

من جانبه رد رامي صبري على ما ذكره “عمرو” وكتب معلقا: “هزر براحتك يا عمرو، بس أغنيتي (يمكن خير) دي أنا ملحنها من 2009”.

عمرو مصطفى سبق وتحدث عن أغنية رامي صبري “حصل خير” وتشابه لحنها مع لحن أغنيته “رقصة”
وواصل: “وأنت عارف أن رامي صبري مستحيل ياخد لحن مش لحنه وينسبه لنفسه، وتاريخي وجمهوري المحترم يعرف الكلام ده، فما بالك أنت بقي”.

وأنهى رامي صبري تعليقه قائلا: “حصل خير، وبعد كده متهزرش معايا، علشان أنا مبحبش النوع ده من الهزار يا لذيذ”.