الفنانة ميسرة: مستعدة أتزوج من رجل متزوج بشرط أحبه وبعلم زوجته

الفنانة ميسرة: مستعدة أتزوج من رجل متزوج بشرط أحبه وبعلم زوجته

فن بوست – فريق التحرير

أوضحت الفنانة ميسرة حقيقة تصريحاتها عن إمكانية زواجها من رجل متزوج.

وقالت ميسرة في لقاء ببرنامج “نص الكلام” مع راغدة شلهوب عبر قناة “النهار”: ممكن أتجوز من راجل متجوز لو حبيته وأقتنعت بيه ومراته فعلا مقصرة معاه، ولازم اسأل مراته وأخد موافقتها.

وتابعت: أنا مش هتجوز من ورا الزوجة الأولى، ولازم أكون بحب الشخص ومقتنعه بيه، ولازم تكون مراته عندها مشاغل في حياتها ومش قادرة تملى حياته أو وصلت لسن ممكن يكون عندها اكتفاء بأولادها ومش عاوزة تخرج، وهو يبحث عن واحدة تانية تملى الفراغ في حياته، لو لقيته واقتنعت بيه ثقافيا وماديا وفكريا أه هتجوزه.

رأيها في الزواج اختلف

أوضحت الفنانة ميسرة أن هذا موقفها الآن لكن قبل 20 سنة كان رأيها مختلفا.

وأكدت ميسرة أنها لم تقع في حب رجل متزوج أو تتسبب في انفصال رجل عن زوجته لكنها رأت حالات متشابهه.

على جانب آخر، كانت ميسرة كشفت عن معاناتها مع عمليات التجميل الفاشلة.

وأوضحت ميسرة في حوار مع الإعلامية ياسمين عز ببرنامج “كلام الناس” عبر قناة MBC مصر، أن القصة بدأت بالصدفة بعد انتهائها من تصوير دورها في مسلسل “عباس الأبيض”.

وقالت إنها فقدت وقتها جزءً من وزنها، وشعرت أن وجهها نحيف، فأجرت عملية حقن دهون فاشلة، وأوضحت: “حصل تلوث وكان لازم يخرج بره الجسم، ودي أول حادثة”.

وأضافت ميسرة: “الحادثة التانية، عملت مناخيري مع دكتور شاطر جدا، كان غاوي نيكول كيدمان، فكان عامل لي الرفعة الرومانية، ودي بتبان أوي من الجانب، فكنت داخلة عشان أشيلها بعد 10 سنين”.

وتابعت: “رحت لنفس الدكتور ومكنش فاضي ورحت لدكتور تاني، قلت دي حاجة تافهة، والمفروض عنده شهادات تخرج كبيرة من باريس، رحت له فدمر المناخير”.

الفنانة ميسرة وعمليات التجميل

حكت ميسرة عن رحلتها مع عمليات التجميل، قائلة: “سافرت فرنسا، وكان الدكتور عايز يشوفني بعد شهرين، بس ظروفي المادية كانت لا تسمح إني أرجع تاني، فكلمت الملحق الطبي في فرنسا، فرشح لي دكتور عالمي هنا، الناس بتيجي له من أوروبا”.

وواصلت: “رحت كملت اللي دكتور فرنسا كان عايزه يعمله، لأن من كتر الضرر كان لازم يعملها على مرحلتين، وعملتها وخلاص”.