أميرة نايف: تم حصري في أدوار الإغراء بعد جاءنا البيان التالي

أميرة نايف: تم حصري في أدوار الإغراء بعد جاءنا البيان التالي

فن بوست – فريق التحرير

كشفت الفنانة أميرة نايف أنها واجهت مشكلة مع المخرجين بعد نجاحها في دور “ناهد” بالفيلم الكوميدي “جاءنا البيان التالي”.

وأوضحت في مقابلة مع برنامج “كلام الناس” عبر قناة MBC مصر، أنها لم تتوقع أن يتم حصرها في أدوار الأغراء بعدها.

وأضافت: “دي مش منطقتي بس هم شافوني وحبوني فيها، وأنا عملتها كتحدي، قلت لهم هعملها بطريقتي، لأن المتعارف أن الإغراء لبس وحركات، وأنا هعمل إغراء مش هلبس عريان ولا حاجة من الحاجات المتعارف عليها”.

الإغراء بطريقة مختلفة

أكدت أميرة نايف أنها قدمت الإغراء في مسلسل “الريان” بطريقتها الخاصة، موضحة: “اللبس بتاعهم وهم اللي جايبينه وكانوا عايزين يفصلوا لي حاجات مفتوحة شوية، قلت لهم لأ، أنا عايزة أفك بالأداء واللبس يبقى مقفول بزيادة عن الطبيعي، وتعالوا نشوف الأداء هيودينا فين”.

وتحدثت عن اختيارها لملابس الدور قائلة: “كان في حاجات مجسمة بس مقفلة، ونوع الخامات، وده مغري أكتر، الإغراء الطبيعي إني أبقى لابسة قصير، ما أنا ممكن ألبس طويل ومفيش حاجة باينة، بس التجسيم والحركة والأداء هي دي اللي توديكي للمنطقة، وده اللي يعرف الفنان معتمد على موهبته ولا حاجة تانية”.

وأيدت ياسمين عز الفكرة موضحة: “طولك مع شعرك الطويل ورشاقتك، لأن مش نفس الجسم موجود في السينما أو الدراما، أعتقد ده برضه السبب”.

يذكر أن مسلسل “الريان” تم عرضه عام 2011، من تأليف محمود البزاوي وحازم الحديدي، إخراج شيرين عادل وبطولة خالد صالح، صلاح عبد الله، ريهام عبد الغفور، باسم سمرة، أحمد صفوت، درة، أميرة نايف، مروة عبد المنعم وإيناس عز الدين.

من هي أميرة نايف؟

ممثلة أردنية مقيمة في مصر إكتشفها الفنان الراحل فؤاد المهندس وقدمها معه من خلال فوازير (عمو فؤاد) في عام 1997، درست في كلية التجارة، وعملت ما بين السينما والتليفزيون.

من أفلامها: (جاءنا البيان التالي، صاحب صاحبه، بحبك وبموت فيك)، ومن المسلسلات التي شاركت بها: (قضية رأي عام، الريان، على كف عفريت، فرعون)