مطرب الراب ويجز: أخاف على مستقبل الراب في مصر لأنه بيواجه قيود

مطرب الراب ويجز: أخاف على مستقبل الراب في مصر لأنه بيواجه قيود

فن بوست – فريق التحرير

حل مطرب الراب ويجز ضيفا على هيئة الإذاعة البريطانية BBC، وتحدث خلال اللقاء عن التحديات التي تواجه مشهد الراب في مصر، والصعوبات التي قابلها في بدايته، وأيضا تطلعاته المستقبلية.

وأوضح المطرب الشاب أنه لا يحبذ فكرة اتخاذه كقدوة أو مثل أعلى للشاب، معربا عن سعادته بتعرف شريحة كبيرة من الآباء والأمهات على أغانيه من خلال أبنائهم.

وكشف مطرب الراب الشاب عن اللحظة التي يمكن أن يفكر فيها في اعتزال الغناء، وعبر عن مخاوفه على مستقبل الراب قائلا: “الراب في مصر بيواجه قيود، وبيتربط بعادات وتقاليد المفروض تكون إتلغت، لإن العالم كله بيتغير”.

مطرب الراب ويجز ينتقد قيود الإبداع

قال مطرب الراب ويجز عن انتشار الراب: “أي حد ممكن يحافظ على نفسه ويسمع اللي المفروض يسمعه، مش لازم ياخد حاجة تانية من المطرب”.

وتابع: “طول ما في قيود الإبداع بيقل، ومش عايزين المساحة الإبداعية تتخطف منا، نفسي الموضوع يبقى سلس أكثر من كده”.

وتحدث ويجز عن فترات صعبة مر بها في بداية مسيرته قائلا: ” كان عندي أوقات كنت المفروض أسيب فيها كل حاجة، لكن كان لازم أتعلم الانضباط وإني أكون متسق مع نفسي، وإزاي أكون فنان عشان أتجنب الاختفاء بعد شوية”.

وأضاف: “لازم تدي نفسك الاحترام والتقدير اللي تستحقه بعد ما تعمل حاجة، وأنا لا أضع نفسي تحت ضغط كتابة أغنية، ولا أنسى إني إنسان ممكن أغلط عادي، وأكافئ نفسي لما أحسن من نفسي”.

متى يفكر في الاعتزال؟

لم يستبعد ويجز فكرة اعتزال الراب، وأشار إلى اللحظة التي يمكن أن يقدم فيها على هذا القرار بقوله: “أنا شغال، ووقت لما أحس إني ابتديت أخرف وأعمل حاجة شكلها لا يليق بيا ولا بالناس هشوف شغلانة تانية”.

وتابع: “من دلوقتي بحاول أتعلم عايز أستثمر في إيه لما أكبر شوية، وإزاي ممكن أساعد الناس اللي بتحب تعمل مزيكا، نفسي أعمل أستوديو، وعندي خطط بعيد عن الفن”.

وكشف مطرب الراب ويجز عن رغبته في عمل جولة غنائية أوروبية قائلا: “عايز أتفسح في أوروبا، في لندن، في برلين وأعمل حفلة هناك، عايز أعمل حفلات للمصريين في أوروبا، وأرجع مصر وأرجع أوروبا مرة تانية”.

وأكمل: “السفر شيء جميل، وأي حد عايز يتعرف على نفسه يبتدي بالسفر”.