آسر ياسين ينعي مساعده الشخصي : كان بيخاف عليا

آسر ياسين ينعي مساعده الشخصي : كان بيخاف عليا

فن بوست – فريق التحرير

وجه الفنان آسر ياسين كلمات رثاء إلى مساعده الشخصي مجدي الذي رحل عن عالمنا من ثلاث أسابيع.

وكتب ياسين: “إهداء لمجدي، كان المساعد بتاعي لأكتر من 14 سنة، قصته فيها كمية عِبر حياتية غير طبيعية، اشتغل كهربائي لمدة تلاتين سنة وبعد كده حصلتله حادثة موت اتكتبله فيها عمر جديد”.

وتابع: “من هنا ابتدا يشتغل مساعد ليا بناءًا على نصيحة أبويا اللي رشحهولي عشان إخلاصه وأمانته.. عمره ما كان يتخيل إنه يشتغل في السيما ويقابل روبي ومني زكي ومحمود حميدة، ومش بس كده، ده كمان وقف قدام الكاميرا كذا مرة في أدوار شرفية كل الناس حبته لأنه يخش القلب علطول لطيبته وبساطته”.

عرفان بالجميل

‎حكى الفنان آسر ياسين عن مساعده الشخصي مجدي وكيف كان يخاف عليه من مشاهد الأكشن وقال: “كان يخاف عليا جداً بالذات في مشاهد الأكشن، وكنا ساعات بنتقمص من بعض لما نخش في حوارات عبثية عن الحياة وبعدها نقوم مهيفيين بأي كلام زي الصورة اللي في البوست، واللذيذ في الموضوع إنه كان ييجي يسألني عن نصيحتي في حاجات شخصية على رغم فرق السن”.

وأضاف: “مفيش طفل يشوفه غير ولازم يبتسم لا إرادياً بسبب وشه البشوش والطفولي.. مجدي رحل عن عالمنا من ٣ أسابيع ، ولحد النهاردة أنا ما اتكلمتش عنه. يمكن لأني بتجنب ده أو أني معتبره ماحصلش، مش عارف.. بس اللي عارفه كويس أوي أنه حقيقي واحشني”.

أحدث أعمال آسر ياسين

كانت آخر أعمال آسر ياسين كان مشاركته بمسلسل سوتس بالعربي الذي تم عرضه في الموسم الرمضاني لعام 2022، سوتس بالعربي ‏ أو قضايا اختصارا، هو مسلسل مصري عُرض في شهر رمضان عام 1443 هـ، وهو النسخة العربية من المسلسل الأمريكي سوتس.

تدور الأحداث في كواليس عالم المحاماة والقضايا، حيث يتناول العمل قصة آدم والذي يتحول عن طريق الصدفة إلى محامي في شركة محاماة كبيرة حينما يكشف سره للمحامي زين، ومعا يتولى الثنائي العديد من القضايا الشائكة، والعمل من تأليف، آرون كورش إخراج عصام عبد الحميد سيناريو محمد حفظي، ياسر عبد المجيد، محمد جلال، محمود نصار، سارة الطوبجي، نادين بدراوي بطولة آسر ياسين، أحمد داود، صبا مبارك، ريم مصطفى، محمد شاهين، تارا عماد.