الفنانة زينة: شغلي ده حاربت ناس كتير أولهم أمي علشانه
فن بوست فريق التحرير
قالت الفنانة زينة، إن هناك شخص يحاول الوقوف والتصدي لمسيرتها المهنية منذ خمس سنوات، وإنها مستمرة بالعمل لأجل أولادها.
تابعت خلال لقائها مع الإعلامي عمرو أديب في برنامج “الحكاية“، المذاع عبر شاشة “mbc مصر”: “أنا بكره الجملة دي وبحتقر أي حد يقول الست متعرفش تعيش من غير راجل، يعني إيه؟ ما إحنا بني أدمين ونقدر نخدم نفسنا.
وأردفت: “خليكي جدعة واقفي واشتغلي، ممكن أي ست تعيش من غير راجل، وبردو إنك تعمل بيت دي حاجة كويسة جدا، أنا مثلا اتربيت في بيت شبعني حب يكفيني ويكفي عيالي”.
شخص يحاربها في عملها
حكت الفنانة زينة عن وجود أشخاص في حياتها يحاربوها في عملها وقالت: “في شخص مقفل عليا الشغل من 5 سنين وبيتقال بلاش زينة معرفش ليه، في ناس بتقول هي مش عاوزه تشتغل وعاوزة تربي عيالها، وهو أنا هربي عيالي ازاي؟ فاتحة فرن في البيت؟ أنا بشتغل عشان عيالي، وشغلي ده حاربت ناس كتير أولهم أمي علشانه”.
وعن سبب عدم تفكيرها في الارتباط في الفترة الحالية، أوضحت: “أنا بقيت أعرف أشوف اللي قدامي كويس ولا وحش من جواه، لدرجة إني بقيت بقول كفاية مش عاوزة أعرف حاجة وعاوزة أشوف الناس كويسة، وكمان أنا مقابلتش حد كويس لأن الناس بقت صعبة ودماغها خربانة، عشان كده اللي عنده حد كويس يمسك فيه ومايسيبوش”.
آخر أعمال الفنانة زينة
يشار إلى أن آخر أعمال زينة، مسلسل “الليلة واللي فيها” بطولتها مع محمد شاهين، ومغني الراب أبيوسف، وسماح أنور، وهو من تأليف محمد رجاء وإخراج هاني خليفة، والمسلسل مكون من 6 حلقات، وتم عرضه عبر منصة “شاهد”.
تدور أحداث المسلسل في إطار تشويقي حول وبدأ العمل بمناقشة أمراض نفسية غير منتشرة، مثل حب الإهانة أو المازوخية، وهو مرض غير منتشر ويناقش المسلسل عدد أخر من الأمراض النفسية.
ويشارك في بطولة العمل عدد كبير من الفنانين، وهم زينة، أبيوسف، علاء مرسي، محمد شاهين، آلاء سنان، سماح أنور، وغيرهم من الفنانين والعمل من تأليف محمد رجاء، وإخراج هاني خليفة.
