محمد إمام: أحاول تقديم فن يعجب الناس وأركز حاليا على الأكشن الكوميدي

محمد إمام: أحاول تقديم فن يعجب الناس وأركز حاليا على الأكشن الكوميدي

فن بوست – فريق التحرير

رد الفنان محمد إمام على الأحاديث التي تقول بأن يعتمد في أعماله على “التيمة الجماهيرية”، أكثر من تقديم عمل تمثيلي قوي، موضحا أنه يهتم طوال عمره بالأعمال الجماهيرية وما سيعجب الناس.

أضاف “إمام” خلال لقائه مع قناة “سكاي نيوز عربية”: “طول عمري بفكر في الأعمال الجماهيرية، ما إحنا الفن بنعمله للناس، إيه بيعجب الناس إيه ممكن يبقى جماهيري هو دا اللي بيبقى في دماغي أكتر”.

وذكر أنه يعمتد في طريقة تقديمه لكل عمل على طبيعة الدور والشخصية، وأشار إلى أنه يحاول التنويع فيما يقدمه قدر الإمكان لكنه يحاول تقديم مشروع خاص به وهو كوميديا الأكشن”.

محمد إمام يقدم أكشن كوميدي

أشار الفنان الشاب محمد إمام إلى أنه يحاول تنويع أدواره، وقال: “وبحاول أنوع على قد ما أقدر، لكن في سكة ماشي فيها دلوقتي هي الأكشن الكوميدي وحابب أثبت السكة دي”.

وأكد إلى أنه عندما يريد تقديم عمل ما يفكر أولا فيما يريده الجمهور، رغم حبه للتنوع وتقديم أعمال مختلفة.

وأضاف: “الجمهور أهم حاجة، هو دا اللي بيصرف علينا، عايز أقول الشعب المصري والعربي هو اللي صرف عليا ورباني، ودخلني مدرسة وهو اللي دخلني جامعة، من التذاكر اللي كان بيروح يدفعها لأبويا في السينمات والحاجات دي”

وأردف: “الموضوع دا واخده من أبويا أكتر أن أهم حاجة هي الجمهور، وأنا عايز أقدم إيه لازم الواحد يعمل قاعدة جماهيرية يكون الجمهور واثق فيه وساعتها ممكن يغير براحته”.

مشروع فني جديد

كشف محمد إمام أنه يعمل حاليا على فيلم خاص به، ومن ثم سيعمل مع والده في فيلم كان قد أٌعلن عنه من قبل.

 وعن تعاونه مع والده ورأيه الفني فيه، ذكر: “أكتر واحد برتاح معاه في الشغل هو عادل إمام، وأول مرة مثلت معاه كنت قلقان جدا لحد ما دخلت عليه اللوكيشن حسيت كأني داخل عليه أوضة النوم” .

وأردف: “أي حد هيشتغل مع عادل إمام هيبقى فيلم عادل إمام لأنه ظاهرة محصلتش، ودا عملي مشكلة بصراحة لأن في الأول أنه ابن عادل إمام بيمثل دي كانت مشكلة فكان لازم أثبت نفسي”. 

وأكد إمام: “أنا حابب موضوع التمثيل قوي وبجتهد على قد ما أقدر وباخد الموضوع على صدري، أنا حياتي مفيهاش غير بيتي وشغلي ويمكن شغلي واخدد وقت أكبر، لكن عادل إمام ربنا يحفظه هو ظاهرة مش هيجي زيها خالص”.

يذكر أن آخر أعمال محمد إمام، فيلم “عمهم الذي يعرض الآن في السينمات، وهو من تأليف وسام صبري، وإخراج حسين المنباوي، وإنتاج أحمد السبكي، وبطولة محمد إمام، وسيد رجب، ومحمد سلام،ومحمد لطفي، وهدى المفتي، وأيتن عامر، وباسم سمرة، ورياض الخولي، وأحمد خالد صالح، ومحمد ثروت، والشحات مبروك.