شيرين عبد الوهاب : حسام حبيب سرقني ولازم اتعالج منه وكنت بكدب عشان أجمل صورته

شيرين عبد الوهاب : حسام حبيب سرقني ولازم اتعالج منه وكنت بكدب عشان أجمل صورته

فن بوست – فريق التحرير

كشفت الفنانة شيرين عبدالوهاب عن تعرضها للسرقة من طليقها المطرب حسام حبيب، قائلة: “حسام سرق العربية النهارده، وإحنا موجودين في الساحل، اتعمله محضر بعدم التعرض ليا وولادي”.

وأضافت خلال مداخلة هاتفية ببرنامج “كلمة أخيرة” مع الإعلامية لميس الحديدي: “أنا كنت جايبه العربية عشان عندي عربية تاني عالية، وجبت عربية وأطيه عشان الخروجات جبت المرسيدس وقلت هيركب العربية دي حسام”.

وأردفت “شيرين” بنبرة ندم:  “عشان لم يقف من سيادة الظابط مينفعش يلاقي الرخصة باسم مراته، عشان كدا كتبتها باسمه، انا استاهل 60 نيله على شكلي”.

شيرين عبد الوهاب تعبر عن ندمها

صرحت شيرين عبد الوهاب بمعلومات نارية حول علاقتها بزوجها السابق حسام حبيب وأوضحت أن كل الشائعات التي لاحقتها الفترة الماضية كانت حقيقه وكانت هي من تحاول تجمل الوضع السئ الذي عاشته.

وقالت الفنانة المصرية: “لازم اروح اتعالج من حسام، أنا موكوسة على عيني، وحبه زي الكانسر دي علاقة سامة، مهري لازم يكون 10 مليون دولار، أنا عايزه حقي”.

وتابعت: “كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك ومع ذلك فضلت جمبه وهو لايعرف إلا فكرة حب الامتلاك وصبرت لأني كنت بحاول أنجح الحب ده”.

واستطردت: “كل الناس عارفة أني كنت بحاول أجمل صورته لكن الناس مكنتش مقتنعة وهما مش هبل وعارفين كل حاجة وأنا كنت طول الوقت بكدب”.

مريض بحب الامتلاك

قالت شيرين عبد الوهاب عن حسام حبيب بأنه مريض بحب الامتلاك، وأضافت: “لقيت نفسي بعد فترة كورونا بتدمر وشغلي بيقف اللي كنت معتمدة أنه يخلصه ماعملش حاجة”.

وأردفت: “هو شخص مؤذي جدًا وخسرني كل الناس أخويا وأختي وأمي وأصحابي والسائق والشغالة كل الناس خسرهملي وكان بيعتقد أن كلهم متآمرين عليه وأقتنعت أن الدنيا متآمرة أننا مانبقاش مع بعض وهو للاسف لازم يتعالج نفسيًا لانه مريض بحب الامتلاك”.