شيرين عبدالوهاب: الحمدلله إن أنا وبناتي عايشين وكنا هنتضرب بالرصاص

شيرين عبدالوهاب: الحمدلله إن أنا وبناتي عايشين وكنا هنتضرب بالرصاص

فن بوست – فريق التحرير

كشفت الفنانة شيرين عبد الوهاب كواليس خلافها مع طليقها الفنان حسام حبيب فى مداخلة هاتفية مع الإعلامية “لميس الحديدى” فى برنامج “كلمة أخيرة”.

وقالت “شيرين” إن حسام حبيب حمل السلاح فى وجهها وفى وجه ابنتيها، قائلة: “عيالى كانوا هيضربوا بالرصاص، قبلها بيومين قاعدين فى الأوضة، طلع من الدرج علبة فيها رصاص.. راح مدينى رصاصة وقال لى خد دى منى هدية”.

وأضافت: “الحمد لله إنى لسه عايشة، وحسبى الله ونعم الوكيل”.

طلاق بائن

صرحت شيرين عبدالوهاب أن طلاقها الأول من حسام حبيبت كان طلاق بائن، وقالت: “احنا تطلقنا طلاق بائن لما قصيت شعرى، واللى حصل بعد ما هديت من الكارثة حسيت إن أنا مش قادرة استغنى عنه واديله فرصة تانية”.

وأردفت: “خناقات فيها ضرب وسحل على الأرض وشتيمة عمر ما إنسانة تقبلها على نفسها.. واتنيلت على عينى ورجعت فقولنا ندى فرصة تانى وشروط.. وبناتى فى بيت تانى ونشتغل.. لحد ما ابتدت الوعود تتلاشى والمشاكل ترجع تانى وقلة الأدب ترجع تانى”.

وتابعت: “كل خناقة تحصل ما بينا يحرق دمى لحد ما امسك المكنة واحلق شعرى.. وطلعت غنيت عشان بناتى مايتعقدوش وحسستهم إنه (نيو لوك).. تخيلى قد إيه أنا تعبت، ومش بستعر من شكلى.. ولما رجعنا لبعض تانى رجعوا تانى البنات يشوفوا إنه بيتدخل فى كل شيء وإنسان معندهوش شغل”.

شيرين عبدالوهاب في موقف صعب

صرحت شيرين عبدالوهاب بأن والد حسام حبيب كان المتحدث الرسمي لعلاقتها بزوجها السابق حسام حبيب، وقالت: “أنا لو كنت أدمنت الأدوية زي ما قالوا وتعبت وتخنت كان هيبقى بسبب حياتي معاه، أنا كنت زي البدر ولما عاشرته بقيت شبه حسن أبوالسعود”.

وتابعت: “أنا غلطت في نفسي، لكن مش عيب إن الست المشهورة تكون متجوزة وبتحاول تحافظ على بيتها.. كنت فاكرة إني بحافظ على بيتي لكنه مكنش بيت، دي كانت مصيدة فئران.. أنا كنت عايشة عيشة الفار اللي دخل مصيدة فار علشان ياكل حتة جبنة لغاية ما يموت”.