أكرم حسني: لما بكتب الأغاني بختار مفردات سهلة بسبب الأطفال (فيديو)

أكرم حسني: لما بكتب الأغاني بختار مفردات سهلة بسبب الأطفال (فيديو)

فن بوست – فريق التحرير

تصدرت أغنية “يا ستو أنا” لأكرم حسني الترند من اليوم الأول من عرضها على موقع “اليوتيوب” ترويجًا لمسلسله الجديد “مكتوب عليا” والذي يُعرض خلال السباق الرمضاني الحالي.

وتخطت الأغنية حاجز الـ 4 مليون مشاهدة خلال 12 يوم من عرضها،  قال أكرم حسني عنها: “قولت لنفسي ليه الأغنية ما تبدأش بأفيه إيه يا ستو أنا، وأقولها كل الكلام اللي فيه غزل زي أن قلبه ده برتقالية تعمل في اللي هي عايزاه”.

وأضاف “حسني” خلال استضافته في برنامج “نجوم رمضان أقربلك” الذي تقدمه إنجي علي، عبر إذاعة “نجوم إف إم”: “كنت هسميها جنة الفواكه بعد كده قولت لا، أنا بحاول دلوقتي أشوف الناس عايزه تسمع ايه، وأدخلهم مفردات مختلفة يكون دمها خفيف وسهلة على لسانهم وخاصة الأطفال لأن الطفل لو حفظ أغنية كل البيت هيحفظها”.

تابع “حسني”: “أنا عيني على الأطفال لسببين، الأول إن الطفل هو اللي بيقرر الأسرة هتتفرج على ايه، والسبب التاني هو إن الطفل ده راس المالي بمعنى إن اللي هيحبني دلوقتي هيكمل معايا لبعدين زي ما بنتفرج على عادل إمام لحد دلوقتي”.

أكرم حسني مؤلف أغانيه

أوضح الفنان أكرم حسني، أنه كان يريد عمل أغنية مشابهة لأغنية “بسبوسة” في مسلسل “الوصية”، وذلك لحب الناس لكلماتها.

وقال “حسني”: “في أغنية ستو أنا كان عيني على أغنية بسبوسة اللي كانت موجودة في مسلسل الوصية”.

أضاف: “كنت بقول إن أغنية بسبوسة فيها غزل دمه خفيف كده والناس حبته، وإحنا هنا عايزين نعمل زيها بس مش عارفين نقول إيه.. خالد الحلفاوي اقترح بداية ستو أنا، وأنا بكلم سلمى في مشهد ما، وكنت بقولها إيه يا ستو أنا فحسيت ساعاتها إن الكلمة دي ممكن تكون لازمة في المسلسل وأنا بكلم هنادي”.

مسلسل “مكتوب عليا”

مسلسل مكتوب عليا، من بطولة: أكرم حسني، عمرو عبد الجليل، أيتن عامر، هنادي مهنا، و هلا رشدي، والفنانة القديرة حنان سليمان، إسماعيل فرغلي، محمد طعيمة، وآخرين.

والمسلسل من تأليف إيهاب بليبل، وإخراج خالد الحلفاوي، وإنتاج كريم أبوذكري “k media” بمشاركة المتحدة للخدمات الإعلامية.

وتدور أحداث المسلسل حول “جلجل” مدرس الموسيقى، والذي يدور طوال الوقت حول طموحاته وأحلامه كما يناقش المسلسل الطموحات غير المشروعة التى تنم عن حالة من عدم الرضا والتي  توقعه في شِرك سذاجته في تعاملاته مع من حوله.