“بحلم إني بقـ.تل عيالي”.. شريف إدريس يعلن اعتزاله الفن نهائيًّا

“بحلم إني بقـ.تل عيالي”.. شريف إدريس يعلن اعتزاله الفن نهائيًّا

فن بوست – فريق التحرير

تصدّر الفنان شريف إدريس، محركات البحث “غوغل” في الساعات الماضية، عقب إعلانه اعتزاله التمثيل نهائيًّا، لمروره بظروف مادية صعـ.بة نتيجة عدم الاستعانة به في الأعمال الفنية.

وأعلن إدريس، عبر حسابه الرسمي بموقع “فيسبوك”، اعتزاله التمثيل، بعد 35 عامًا: “بسم الله الرحمن الرحيم، بعد ٣٥ سنة سعي وتعب وشقى في الوسط الفني قررت الاعتزال والابتعاد تمامًا”.

وتابع إدريس: “أي حد عنده فرصة سفر ليا هاكون شاكر ليه وده طلبي الوحيد، وهيكون جميل في رقبتي لحد ما أمـ.وت، لأن حقيقي أنا مش قادر أعيش في البلد دي تاني”.

واستكمل: “أنا حاولت أسعى في أي مجال تاني بس ماقدرتش، والبوست ده هو نهاية علاقتي بالمجال اللي اتربيت فيه ودرسته وعشت فيه كل تفاصيل حياتي والحمد لله على كل شئ”.

وعن سبب اتخاذه لهذا القرار، قال شريف: “الأمور وصلت في الوسط الفني لمرحلة عبثية، وصلت إني بقيت بشوف بعض الزملاء بيشحتوا الشغل علني علشان يشتغلوا لأن الشغل بقي متقسم على ناس معينة”.

وواصل: “طالما الشغل بقى بالشحاتة، يبقي بلاش أحسن، أنا طول عمري راضي الحمد لله، بس حقيقي أنا وصلت لمرحلة اكتـ.ئاب وصلتني إني بقيت بنام أحلم بكـ.ابوس إني بقـ.تل عيالي وبقـ.تل نفسي”.

وتابع شريف: “لأني وصلت لمرحلة نفسـ.ية ومادية إني بقيت مش قادر أربيهم ولا أصرف عليهم، وانا عندي تلات أطفال بعبدهم عبادة، متخيلين حجم المسؤلية، وبقيت مديون لطوب الأرض”.

واختتم شريف إدريس: “أنا مش محتاج طبطبة من حد، أنا محتاج فرصة سفر وشغل تخليني أعيش ولادي حياة كريمة وبس، هاين عليا أقوم أ رمي نفسي من البلكونة بعد ما وصلت إني أكتب البوست ده”.

من هو شريف إدريس

هو ممثل مصري، التحق بمعهد الفنون المسرحية حيث تخصّص بقسم تمثيل وإخراج، وبدأ مشواره بالتمثيل صدفة وهو طفل يبلغ من العمر 5 سنوات، وبالتحديد في منتصف ثمانينات، بأعمال تلفزيونية وسينمائية.