أخبار الفنمشاهيرنجوم الفن

منة فضالي: “نويت اتبنى طفل لكن ربنا مش رايد والطفل مات”

منة فضالي: “نويت اتبنى طفل لكن ربنا مش رايد والطفل مات”

فن بوست – فريق التحرير

عبرت الفنانة المصرية منة فضالي عن حزنها بسبب الأقدار التي حالت دون رغبتها في تبني أحد الأطفال وفشلها في الأمر، وذلك بعدما حكت قصته المؤثرة، بعد أن ألقته والدة عقب ولادته دون أن تهتم لمصير رضيعها.

وكتبت عبر حسابها الرسمي على موقع التواصل الاجتماعي “فيس بوك” تحكي القصة: “الولد ده اتولد من 5 أيام أمه خلفته في مستشفى في الفيوم وقالتلهم أنا مش عاوزاه ارموه في الشارع، والممرضة صعب عليها خدته تربيه، جوزها قالها تبقي طالق مني لو الولد ده فضل في البيت راحت مرجعاه المستشفى تاني. 

وأكملت “فضالي” القصة”: “واحدة تانية بتشتغل معايا في البيت أختها أخدته تربيه سافرت الفيوم وأخذت الولد وودتو لدكتور طلع عنده الصفرا بتقولي النهاردة قولتلها هاتيه انا حتبناه لأني نفسي يبقى عندي طفل”.

منة فضالي: "نويت اتبنى طفل لكن ربنا مش رايد والطفل مات"

حلم لم يتحقق

أكملت منة فضالي قصة محاولتها لتبني الطفل وقالت: ” الولد مات بعد ما ابتديت أخد إجراءات التبني، مش قادرة أوصفلكم حالتي حقيقي ولا أوصف كرهي للست اللي خلفت حتة لحمة ورمتها وراحت تشوف نفسها.

وعبرت فضالي عن غضبها وحزنها على الطفل قائلة: “جالها قلب إزاي ترمي ضناها مهما كانت ظروفها ابنها ضناها ازاي في أمهات بـ القذارة دي بس يعلم ربنا إني كنت حخليه أحسن حد في الدنيا مش الأم اللي بتخلف الأم اللي بتربي”.

واختتمت: “أنا بكتب البوست ده لأني فعلا موجوعة من قلبي وكنت فرحانة إني حاخد الولد بس ربنا مش رايد.. ربنا يرحمك برحمته وحسبي الله ونعمة الوكيل في الست دي ربنا ينتقم منها أشد انتقام .. إحنا الحيوان بيصعب علينا مابالكم طفل ملوش أي ذنب غير أن واحدة معندهاش قلب ولا ضمير ترمي ابنها”.

منة فضالي: "نويت اتبنى طفل لكن ربنا مش رايد والطفل مات"
الطفل صاحب القصة

منة فضالي وحلم الأمومة

كشفت الفنانة منة فضالي عن مشاعرها تجاه الأمومة، في فيديو نشرته منذ أكثر من عام بصحبة طفلة رضيعة.

ونشرت منة فضالي مقطع الفيديو عبر حسابها على “إنستجرام، حيث ظهرت تحمل طفلة حديثة الولادة وتداعبها خلال تواجدها بأحدى المستشفيات، وكتبت معلقة: “أحلي إحساس في الدنيا الأمومة”.

وأضافت: “أنا عمري ما كنت أم ومش عارفة حكون أم ولا لا، ربنا كبير، بس حقيقي مفيش أجمل من الأطفال والخلفه ربنا يرزق كل الناس الذرية الصالحة”.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *