حمو بيكا يرد على المتنمرين عليه بسبب مرضه: “من عاب بشئ ابتلى به
حمو بيكا يرد على المتنمرين عليه بسبب مرضه: “من عاب بشئ ابتلى به
فن بوست – فريق التحرير
رد المطرب الشعبي حمو بيكا على تنمر البعض عليه بسبب مرضه، وخاصة بعد انتشار صورته وهو في إحدى المستشفيات، موضحًا أنه يعاني من مرض يسمى “الكرونز”.
وكتب “بيكا” على صفحته الرسمية عبر موقع “فيس بوك”: “بتتنمروا على المرض؟ يعني اتنمرتوا عليا قولت ماشي، اتنمرتوا على صوتي قولت ماشي، اتنمرتوا على شقتي وفرحي قولت ماشي، لكن يوصل بيكوا الموضوع أنكوا تتنمورا علي المرض”.
واستطرد قائلًا: “ده ابتلاء من عند ربنا سبحانه وتعالى وأنا راضي بيه الحمد لله، بقول لكل حد اتنمر عليا ربنا يحفظك من مرض (الكرونز) اللي عندي ده ويحفظك من أي مرض تاني، و شكرا لكل اللي سأل عليا، أنا بقيت أحسن الحمد لله”.
من عاب بشئ ابتلى به
ووجه حمو بيكا رساله لمهاجميه: “ياريت نفتكر دايما (من عاب بشئ ابتلي به)، وأن مهما حاولتوا تأذوني مفيش حاجة هتحصلي غير اللي ربنا كاتبها ليا، أنا راضي و مؤمن الحمد لله وعارف أن ربنا عز وجل مش هيدخلني في حاجه غير وأنا قدها وده الدليل القرآني (لا يكلف الله نفساً إلا وسعها)، فشكراً ليكم و لكل واحد مش بيحبني فلتقل خيرا او لتصمت”.
حمو بيكا يهاجم النقابة
يواجه المطرب الشعبي في الفترة الأخيرة عدة أزمات يعيق نشاطه الفني، وصرح “بيكا” في وقت سابق، بأن حياته تدمرت بسبب نقابة المهن الموسيقية، مشيرا إلى أن النقابة ظلمته خمس سنوات، فهو غير قادر على ممارسة عمله بسبب وقف النقابة له.
وأوضح “بيكا” خلال بث مباشر عبر حسابه الرسمي على موقع التواصل الاجتماعي “فيس بوك”، أنه عمل في كثير من المهن موضحًا: “اشتغلت على توك توك، واشتغلت نجار، سافرت وتغربت وشقيت وتعبت، بس عمري ما مديت ايدي على حاجة مش بتاعتي”.
وأردف قائلًا: “أكل عيشي واقف وحياتي مدمرة من النقابة، ظلمتني خمس سنين، قالوا على ناس مزورين ورق وضاربين ورق، وقالوا على ناس مسجلين، والناس دي خدت الكارنيه واشتغلت، يبقى الوقف مش حكم بعدل ربنا.. وربنا لما بيدي الرزق للبشر محدش يعرف يوقفه، فرقتي أنا مقصرتش مع أي حد في شيء، الناس دي وقفت معاها ووقفت جمبها وهما بيطلعوا يقولوا بيكا بينسب النجاح لنفسه، وأنا عمري ما نسبت نجاح لنفسي.. أنا مبعرفش اقرأ ولا أكتب ولا أعرف أرد على الناس، الناس حبت حمو بيكا عشان حمو قلبه أبيض”.
