أحمد فلوكس مهاجمًا تصريحات إلهام شاهين بشأن القُبل في الأفلام: “أسف جدا مش عاوز أسمع كلمة حرية الفن”

أحمد فلوكس مهاجمًا تصريحات إلهام شاهين بشأن القُبل في الأفلام: “أسف جدا مش عاوز أسمع كلمة حرية الفن”

فن بوست – فريق التحرير

هاجم الفنان أحمد فلوكس، تصريحات الفنانة إلهام شاهين، عن القبلات في الأفلام، التي انتقدت خلالها من يرى أنها شيء منافي للأخلاق، قائلة: “المجتمع كان زمان مختلف ويتقبل القبلات في الأفلام، والمجتمع أصبح غريبًا على حد تعبيره”.

ورد عليها “فلوكس” وكتب عبر حسابه الرسمي على موقع التواصل الاجتماعي “فيسبوك”: “بعيدًا عن معزتك ممكن أستأذنك ماتتكلميش تاني في الكلام ده، البوسة بتعتبر حاليا منافية للآداب، أومال إمتى يا فندم نعتبر الشئ منافي للآداب، لما نلاقي العيل نازل وبشهاداته كمان هنا يبقي سفالة”.

وأردف “فلوكس”: “الشاشة دي بتربي أجيال وبتشكل وجدان، مش بتربي وحوش وبتعمل أوضاع، على كده إحنا نعتبر الأفلام السكس أفلام تثقيفية تعليمية إرشادية الغرض منها التعليم والتمرين”.

فلوكس يوجه رسالة لإلهام شاهين

ووجه الفنان أحمد فلوكس رسالة للفنانة إلهام شاهين خلال منشوره وقال:”سامحيني أنا بحبك بس مابقتش قادر أستحمل، يا جماعة الشيطان نفسه مش مصدق اللي إحنا كبشر بنعمله وبيستغفر ربنا، الأفلام بقت مرجعية والنوافل بقت مهرجانات والزكاة بقت نقطة والحج بقي تشكيل.. آسف جدا. ومش عاوز أسمع كلمة حرية الفن”.

تصريحات إلهام شاهين

جاءت تصريحات إلهام شاهين بعد التصريحات الجريئة التي صرحها المخرج هادي الباجوري خلال استضافته في برنامج “كلام الناس” على قناة “MBC مصر” بأنه لا يمانع من تقبيل زوجته في الأفلام.

وقال “الباجوري”: “معنديش مشكلة مراتي تتباس وتقدم مشاهد رومانسية لأني مش منافق ومعنديش عقد نفسية، البوس عادي في السينما والناس كانت بتتفرج والعيب في الجمهور”.

أحمد فلوكس يهاجم الباجوري

ولم تكن تصريحات الفنان أحمد فلوكس هي المرة الأولى التي يهاجم فيها موضوع القبل في الأفلام، فقد هاجم أيضًا تصريحات المخرج هادي الباجوري في نفس الموضوع والذي تصدر الترند مؤخرًا.

كتب فلوكس في منشور على  “فيسبوك”: “ناس مين اللي بتسيب بناتها وزوجاتها تلبس مايوه عريان مش فاهم… اتكلم عن نفسك يا ريس وعن نوعك”.

وأضاف: “أنت ماعندكش مشاكل أن مراتك تتباس ده موضوعك مش موضوعنا، براحتك.. لكن ده أنت وده نوعك انت إحنا لا.. أنت بتقول إيه.. اتقِ الله”.

وذكر في منشوره: “يعني واحد بيشم يبقى كل الناس شمامة واحد فاشل تبقى كل الناس فشلة، وللأسف الكلام متاخد عنوان وللأسف أنا مش فاهم يعني ولا عمل ليه ناجح حتي شريهان عودتها سواء مسرح أو إعلان مش هاتكلم ولا كأنها رجعت.. ولسه أساسا بيشتغل.. امتى المهنة دي تتعدل وتنضف بقي..  خلوها تنضف”.