عمر كمال: فيه مهرجانات لازم تتمنع ويقننوا وضع المطربين ( فيديو)

 عمر كمال: فيه مهرجانات لازم تتمنع ويقننوا وضع المطربين 

فن بوست – فريق التحرير

عبر المطرب عمر كمال عن رأيه في وضع أغاني المهرجانات قائلا: “لازم تقنين أوضاع مطربي المهرجانات، دلوقتي مفيش اعتراض على المزيكا، وعايزين كلام كويس، يبقى نقنن الموضوع، هتقولوا أصوات، هقولكم طيب ما أنتوا أجازتوا الراب.. الثقافات اتغيرت ولازم نتقبل ذلك، كل جيل وله مزيكته وشكله”.

وجاءت تصريحات عمر كمال خلال مداخلة مع الدكتور معتز عبد الفتاح، مقدم برنامج “تحت الشمس” عبر قناة “الشمس” والذي قال فيها: “أنا نص أعمالي أغاني ونصها مهرجانات، وأنا عندي حل للخناقة دي كلها، قرار الأستاذ هاني شاكر فيه جزء كبير صح وأنا معاه قلبا وقالبا، لأنه بجد في ناس بتوع مهرجانات بيقولوا كلام مينفعش يتقال خالص.

، واستكمل “كمال قائلًأ: “وأنا كعمر بتأذي من بعض المهرجانات، والفئة دي فعلا لازم تتمنع، أنا بقول ده إزاي يتقال، لأنها شتايم علني وعيني عينك، النوع ده لازم يتمنع”.

التطور الطبيعي  للغناء الشعبي 

ورأى المطرب الشعبي عمر كما أن نوعية أغاني المهرجانات والراب هي التطور الطبيعي للغناء الشعبي المصري”، وصرح قائلًا: “الأغاني دي الامتداد الطبيعي لـ(السح الدح امبو) و(سلامتها أم حسن)”.

وأضاف “كمال” : “الست أم كلثوم كانت بتقول (أغدا ألقاك) والأستاذ أحمد عدوية كان بيقول (السح الدح امبو) وباع مليون نسخة وكسر الدنيا بـ (زحمة يا دنيا زحمة) و(بنت السلطان).

واستكمل المطرب الشعبي مداخلته : “يا جماعة ده في كل عصر مش إحنا بس.. الأستاذ عبد الحليم حافظ كان بيروح كازينو الليل يسمع أستاذ أحمد عدوية، وكان بيخليه يسمعه أغانيه”.

التضييق على مطربي المهرجانات

وعن موقف النقابة من المهرجانات والراب قال عمر كمال: نقابتنا المحترمة أجازت الراب، ومنحته مساحة كبيرة جدا على المسارح وشرعية، وما شاء الله برضو بيعملوا بلاوي أكتر من المهرجانات وشغالين، أغاني كتير جدا ليهم فيها خناقات برضو وشتائم وقلـ.ة أدب، ومع ذلك النقابة اعترفت به وعملتله شعبة، طيب ما إحنا نعمل شعبة مهرجانات ببساطة”.

تابع: “زي ما عمر كمال راح النقابة ومضى إقرار إن أي أغنية هينزلها هتُجاز من الرقابة، ده يتعمم ونعمل شعبة للمهرجانات، لكن موضوع الأصوات ما هو برضو بتوع الراب مش أصوات، بتاع الراب مش بيدخل يمتحن في الأطلال وعمر الخيام يعني، ما هو بيدخل يغني راب، يبقى بتاع الراب يدخل يغني راب، وبتاع المهرجانات يدخل يغني مهرجانات، خلوا المهرجانات فن زي الراب”.

عمر كمال .. من هو ؟

هو مطرب شعبي مصري ولد في 30 سبتمبر 1985، درس في كلية التجارة في جامعة القاهرة، وحصل على شهادة البكالوريوس عام 2006.

التحق عمر كمال بعدها بعدة دورات تدريبية وورشات لتعلم التمثيل، وبدأ مسيرته الفنية في مركز الإبداع الفني، قدم خلالها عدة عروض غنائية وتمثيلية.
وأحب عمر الغناء منذ صغر سنه، وبدأ رحلته في عالم الغناء في عام 2007، وعمل على نشر العديد من كوفرات الأغاني على قناته، إلا أن صيته لم يتجاوز مسرح الحفلات الشعبية الصغيرة.

تعاون مع عدة فنانين ونجوم مصريين، إذ غنى له النجم هاني شاكر أغنية “أبويا”، كما تعاون مع الفنان حمادة هلال في أحد ألبوماته.

نال عمر كمال الشهرة عندما طرح أغنية “بنت الجيران” التي أداها برفقة المطرب الشعبي حسن شـ.اكوش فهي الأغنية التي يرجع لها الفضل في الشهرة التي اكتسبها عمر كمال وحسن شـ.اكوش.