أخبار الفنمشاهيرنجوم الفن

سهير رمزي: أنا مش فاكرة اتجوّزت كام مرة وأبويا كان بيشوف أفلامي ويعيط

سهير رمزي: أنا مش فاكرة اتجوّزت كام مرة وأبويا كان بيشوف أفلامي ويعيط

فن بوست – فريق التحرير

تحدثت الفنانة المصرية سهير رمزي، خلال استضافتها في برنامج “السيرة” مع الإعلامية وفاء الكيلاني، عن والدها الحقيقي الذي تعرفت عليه وهي بسن الـ 13، كاشفة عن عدد زيجاتها.

وقالت الفنانة سهير رمزي: “أنا كنت متدلعة زيادة عن اللزوم، وماعرفتش أبويا الحقيقي إلا وأنا عندي 13 سنة، هو كان قاسي وبيضربني فقلت لماما إني شفته بيبوس واحدة فخربت البيت”.

وتابعت سهير: “وماشوفتهوش من بعدها حتى في مرضه ما رحتلهوش، بس لما مات رحت المقابر وطلبت منه يسامحني، واتقاللي إنه كان بيجيب أفلامي ويتفرج عليها ويعيط عليها رغم إنه كان رافض حكاية التمثيل”.

سهير رمزي
سهير رمزي

وواصلت: “أنا وصلي إنه كان بيتفرج عليا ويبكي، بس أنا ماعرفش هو كان بيبكي علشان شايف إني بمثّل وبعمل حاجة هو مش راضي عنها ولا هو بيبكي علشان أنا وحشته وشاف إنه غلط في حقي دي الله أعلم”.

“مش فاكرة عددهم”.. سهير تكشف عن عدد زيجاتها

وخلال الحلقة، كشفت سهير رمزي عن عدد زيجاتها حيث يعرف أن عددهم تخطى الـ10، إذ قالت: “أمي كانت بتقوللي ما تديش ثقتك أوي في الرجالة، لأني كنت عاطفية جدًا”.

وتابعت الفنانة سهير رمزي: “أنا ماتجوّزتش 10 يعني، بصي أنا مش فاكرة هما كام بصراحة، بس هو أهم حاجة إن كله كان بالحلال”.

واستكملت سهير حديثها عن أزواجها قائلة: “أول جوازة ليا من حلمي بكر، وكان عندي 16 سنة، والعصمة مكنتش في إيدي وانفصلنا بسبب رفضه دخولي التمثيل، وتاني جوازة قعدت 4 سنين”.

وواصلت سهير: “تالت جوازة كانت من رجل الأعمال الكويتي محمد الملا، وقعدنا حوالي 7 سنين وسبنا بعض بسبب الغيرة، والرابعة كانت الفنان محمود قابيل واستمرت عام وكانت سنة حلوة”.

وأكملت: “خامس جوازة من رجل الأعمال سيد متولى، وقعدنا متجوزين 7 أو 8 سنين واطلقنا ورجعنا تاني، وسادس جوازة رجل أعمال سوري وأعدنا أقل من سنة لا يذكر يعنى”.

واختتمت سهير: “والجوازة السابعة الفنان فاروق الفيشاوي، وقعدنا متجوزين 5 سنين واطلقنا ورجعنا 3 مرات، والجوازة الثامنة علاء الشربيني والله أعلم هتكمل ولا لأ”.

سهير رمزي من هي

هي ممثلة مصرية ولدت في 3 مارس 1950 بمدينة بورسعيد، وتربت داخل أسرة فنية ويرجع ذلك لوالدتها الفنانة المصرية الراحلة دريّة أحمد.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *