أخبار الفنمشاهيرنجوم الفن

فيفي عبده: كنت فاكرة الناس بتخلف من ركبها واشتغلت ليل نهار علشان أدبر فلوس الحج لأمي وأبويا 

فيفي عبده: كنت فاكرة الناس بتخلف من ركبها واشتغلت ليل نهار علشان أدبر فلوس الحج لأمي وأبويا 

فن بوست – فريق التحرير

فتحت الفنانة المصرية فيفي عبده، خلال استضافتها في برنامج “السيرة” مع الإعلامية وفاء الكيلاني، صندوق ذكرياتها، كاشفة عن بعض أسرار حياتها خاصة في مرحلة الطفولة وعلاقتها بوالديها.

وتحدثت فيفي عبده عن طفولتها القاسية بقولها: “لما أبويا أتجوز على أمي بقيت هي الست والراجل، كان قلبها بيتقطع علشان ست خدتها من أبويا، كانت بتضربنا أنا وأخواتي بالكرباج السوداني”.

وتابعت فيفي عبده: “أمي ما كنتش تقعدنا مع ناس كبار بيتكلموا وأنا عندي 10 سنين ما كنتش عارفة اسألها إحنا جينا إزاي، ولحد ما اتجوزت كنت فاكرة الناس بتخلف من ركبها، هي فهمتنا كده”.

فيفي عبده
فيفي عبده

وحرصت فيفي عبده على الحديث عن والدها وعلاقتها به، بقولها: “أبويا كان قمر بيتخطف كده، وكان مترجم بيتكلم 7 لغات، وكنت أسافر معاه وأنا صغيرة في السن”.

وحكت فيفي أحد المواقف التي حدثت بينها وبين والدها بقولها: “كنت مطلعة أمي تحج بالباخرة، ومكنش وقتها معايا فلوس، وكنت محضرة الفلوس اللي تقدر تودي أمي الحج”.

وتابعت فيفي: “لقيت أبويا بيقولي كدة هان عليكي تخلي أمك تحج وأنا لأ قولتله إزاي أنا محضرالك الحج مع أمي، معرفش عرفت أدبر الفلوس دي إزاي، وكنت بشتغل ليل ونهار عشان أدبر الفلوس”.

فيفي عبده
فيفي عبده

ابنة الـ 12 سنة.. فيفي وقصّة هروبها

وحكت فيفي عبده خلال استضافتها في برنامج “السيرة”، قصّة هروبها من المنزل وهي تبلغ من العمر 12 عامًا: “واحدة أعرفها قالتلي تعالي معايا نروح السينما وروحت معاها ولما رجعت البيت أمي ضربتني علقة جامدة”.

وتابعت فيفي: “هربت من البيت وروحت عند خالي وقلتله أمى على طول بتضربني وأنا عاوزة أروح مع البنت وهاشتغل في فرقة شعبية، موافقش وفضلت قاعدة معاه كام يوم”.

واستكملت فيفي: “لغاية لما البنت قالتلي تعالي عند الكوافير وروحت من ورا خالي كمان، وإن جوزها هيشغلني معاه في الاستعراض ونرقص فنون شعبية على أغنية يا محلى نورها”.

وواصلت فيفي: “جوزها حاول يتحـ.رش بيا ولما طوّلت لساني طردني وروحت أشتغل في فرقة تانية بس مكنش في مكان انام فيه، وكنت بستنى الليل وأشوف أي بيت أقعد تحت السلم لغاية لما النهار يطلع”.

فيفي عبده من هي

هي راقصة وممثلة مصرية، اسمها الحقيقي عطيات عبد الفتاح إبراهيم عبده، ولدت في 26 أبريل 1953، بمحافظة المنوفية بمصر، لأب يعمل ضابطًا.

وكانت فيفي عبده تحب الرقص منذ طفولتها حيث صممت على دخول هذا المجال، ونجحت في العمل بجانب عمالقة نجوم الوسط الفني.

ومن أبرز الأعمال التي شاركت فيها الفنانة المصرية فيفي عبده كانت مسرحية “حارة العوالم”، ومسرحية “شهر عسل بصل”، وفيلم “الرسالة” حيث أدت دور الراقصة.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *