فيفي عبده: اتجوّزت 5 مرات كلهم عرفي وكنت هطلق بسبب عبد الحليم حافظ

فيفي عبده: اتجوّزت 5 مرات كلهم عرفي وكنت هطلق بسبب عبد الحليم حافظ

فن بوست – فريق التحرير

حكت الفنانة المصرية فيفي عبده، خلال استضافتها ببرنامج “السيرة”، موقف جمعها بالمطرب الراحل عبد الحليم حافظ كاد يتسبب في طلاقها، كاشفة عن عدد زيجاتها.

وقالت فيفي عبده: “كنت مستنية جوزي في أحد الفنادق بالقاهرة مع مدير أعماله، وفجأة دخل الفنان الراحل عبد الحليم حافظ وكان معاه شفيق جلال”.

وتابعت فيفي: “وبعدين لقيته بينادي عليا وقاللي تعالي يا بنت بيقولوا عليكي رقاصة شاطرة أوي وراح واخدني من إيدي، ووقتها شافني جوزي وغار عليا وكان عايز يسيبني علشان لقاني قاعدة مع عبد الحليم”.

وعن عدد زيجاتها قالت فيفي:”أنا اتجوّزت 5 فقط طوال حياتي مش 6 زي ما قلت قبل كده، وكل جوزاتي كانت عرفي ما عدا أول جوازة لأنه ماكنش عايز يطلقني”.

وأوضحت فيفي: “أنا مابعرفش الراجل قبل ما اتجوزه فعلشان ممكن مانرتاحش مع بعض، فقررت إن أي جوازة هاتكون عرفي علشان يكون الانفصال سهل، بس مجرد ما أعرف إني حامل بحول الجواز لشرعي”.

وعن سبب تعدد زيجاتها قالت الفنانة فيفي: “اتجوزت كتير لأن الست لما بتطلق بيطلعوا عليها اشاعات، وأنا كنت بحب أقطع عرق وأسيح دمه وأتجوز على طول”.

فيفي عبده من هي

هي راقصة وممثلة مصرية، اسمها الحقيقي عطيات عبد الفتاح إبراهيم عبده، ولدت في 26 أبريل 1953، بمحافظة المنوفية بمصر، لأب يعمل ضابطًا.

وكانت فيفي عبده تحب الرقص منذ طفولتها حيث صممت على دخول هذا المجال، ونجحت في العمل بجانب عمالقة نجوم الوسط الفني.

ومن أبرز الأعمال التي شاركت فيها الفنانة المصرية فيفي عبده كانت مسرحية “حارة العوالم”، ومسرحية “شهر عسل بصل”، وفيلم “الرسالة” حيث أدت دور الراقصة.